ఎన్నిక‌కు సిద్ధ‌మైన పార్టీలు

హుజూరాబాద్: హుజూరాబాద్ అసెంబ్లీ నియోజకవర్గానికి ఆగస్టు మూడో వారంలోగా ఉప ఎన్నికల నిర్వహణకు ఎన్నికల సంఘం నోటిఫికేషన్ జారీ చేసే అవకాశం ఉంది. దీనిని దృష్టిలో ఉంచుకుని ప్రభుత్వం పైలట్ ప్రాజెక్ట్ అని పిలుస్తూ దళిత బంధుని హడావిడిగా ప్రారంభించిందని రాజకీయ వర్గాలు చెబుతున్నాయి. ఒకసారి నోటిఫికేషన్ జారీ చేసిన తర్వాత, వారు పథకాన్ని ప్రకటించడం సాధ్యమయ్యే ప‌నికాద‌ని అందుకే కేసీఆర్ ముంద‌స్తుగా సిద్ధ‌ప‌డుతున్నార‌ని చెబుతున్నారు.

ఎన్నికలకు నోటిఫికేషన్ ఎప్పుడైనా రావచ్చని టీఆర్ఎస్ నాయకులకు అందిన స‌మాచారం. ఉప ఎన్నికల నోటిఫికేషన్ గురించి కేసీఆర్‌ తప్పనిసరిగా సూచన అందుకున్నారని, అందుకే ప‌థ‌కం ప్రారంభానికి ముంద‌స్తుగానే నిర్ణయం తీసుకున్నారని ప్ర‌చారం సాగుతోంది. సెప్టెంబర్ నుండి ఆసరా పెన్షన్ ప్రయోజనాన్ని పొడిగించి, వృద్ధుల‌ వయోపరిమితిని 65 నుండి 57 ఏళ్లకు తగ్గిస్తూ నిర్ణ‌యం తీసుకుంది తెలంగాణా స‌ర్కార్‌.

ఎన్నికల ఏర్పాట్లను ముమ్మరం చేయాలని, హుజూరాబాద్‌లో ప్రచారం చేయాలని టీఆర్ఎస్ పార్టీ నాయకులు పేర్కొన్నారు. నియోజకవర్గంలో దూకుడుగా ప్రచారంలో ఉన్న ఆర్థిక మంత్రి టి.హరీష్ రావు మాట్లాడుతూ, హుజూరాబాద్‌లో బిజెపి గెలిస్తే, పెట్రోల్ ధరలు లీటరుకు రూ .200 వరకు పెరుగుతాయని అన్నారు. ఇదిలా ఉండ‌గా, మాజీ మంత్రి మరియు బీజేపీ అభ్యర్థి ఈటల రాజేందర్ నిమ్స్ ఆసుపత్రి నుండి డిశార్చ్ కావ‌డం, నియోజ‌క‌వ‌ర్గంలో పాద‌యాత్ర‌కు రంగం సిద్ధం చేసుకోవ‌డంతో ఎన్నిక‌ల వేడి పుట్టిందనేది సుస్పష్ట‌మ‌వుతోంది.